دَرد سے میرے ہے تُجھ کو بے قراری ہائے ہائے کَیا ہُوئی ظالِم تِری غَفلَت شِعاری ہائے ہائے

دَرد سے میرے ہے تُجھ کو بے قراری ہائے ہائے

کَیا ہُوئی ظالِم تِری غَفلَت شِعاری ہائے ہائے

 

تیرے دِل میں گر نہ تھا آشوبِ غَم کا حوصلہ

تُو نے پِھر کیوں کی تھی میری غَم گُساری ہائے ہائے

 

کیوں مِری غَم خوارگی کا تُجھ کو آیا تھا خیال

دُشمنی اَپنی تھی میری دوست داری ہائے ہائے

 

عُمَر بھر کا تُو نے پِیمانِ وفا باندھا تو کَیا

عُمَر کو بھی تَو نہیں ہے پائداری ہائے ہائے

 

زَہر لَگتی ہے مُجھے آب و ہَوائے زِندگی

یعنی تُجھ سے تھی اُسے نا سازگاری ہائے ہائے

 

گُل فشانی ہائے نازِ جَلوَہ کو کَیا ہو گیا

خاک پر ہوتی ہے تیری لالہ کاری ہائے ہائے

 

شَرمِ رُسوائی سے جا چُھپنا نقابِ خاک میں

خَتم ہے اُلفَت کی تُجھ پر پَردہ داری ہائے ہائے

 

خاک میں نامُوسِ پِیمانِ محبَّت مِل گئی

اُٹھ گئی دُنیا سے راہ و رَسمِ یاری ہائے ہائے

 

ہاتھ ہی تیغ آزما کا کام سے جاتا رہا

دل پہ اِک لَگنے نہ پایا زَخمِ کاری ہائے ہائے

 

کِس طَرَح کاٹے کوئی شَب ہائے تارِ بَر شِکال

ہے نَظَر خُو کردہءِ اَختَر شُماری ہائے ہائے

 

گوش مَہجُورِ پیام و چَشم مَحرومِ جمال

ایک دِل تِس پر یہ نا اُمّیدواری ہائے ہائے

 

عِشق نے پَکڑا نہ تھا غالبؔ اَبھی وَحشت کا رَنگ

رہ گیا تھا دِل میں جو کُچھ ذَوقِ خواری ہائے ہائے۔۔۔!

شاعر اسد اللہ خان غالبؔ

 بہت دشوار ہوتے ہیں سبھی رستے 

تِرے جانے سے راہیں لمبی ہوتی ہیں 

میں ہی پہلے مروں گا مطمئن ہو جا۔۔۔

بُرے لوگوں کی عمریں لمبی ہوتی ہیں 

جلیل بلوچ

 ﺩﻝ ﭘﮧ یکطرفہ ﻋﺬﺍﺑﻮﮞ ﮐﻮ ﺍﺗﺮﺗﮯ ﺩﯾﮑﮭﺎ

ﮨﻢ ﻧﮯ ﭼُﭗ ﭼَﺎﭖ ﺍُﺳﮯ ﺧُﻮﺩ ﺳﮯ ﺑﭽﮭﮍﺗﮯ ﺩﯾﮑﮭﺎ

ﺍُﺱ ﮐﻮ ﺳﻮﭼﺎ ﺗﻮ ﮨﺮ ﺍﮎ ﺳﻮﭺ ﻣﯿﮟ ﺧﻮﺷﺒﻮ ﺍﺗﺮﯼ

ﺍُﺱ ﮐﻮ ﻟﮑﮭﺎ ﺗﻮ ﮨﺮ ﺍﮎ ﻟﻔﻆ ﻣﮩﮑﺘﮯ ﺩﯾﮑﮭﺎ

ﯾﺎﺩ ﺁ ﺟﺎﺋﮯ ﺗﻮ ﻗﺎﺑﻮ ﻧﮩﯿﮟ ﺭﮨﺘﺎ ﺩﻝ ﭘﺮ

ﻭﺭﻧﮧ ﺩﻧﯿﺎ ﻧﮯ ﺑﮭﯽ ﮨﻢ ﮐﻮ ﮨﮯ ﺗﮍﭘﺘﮯ ﺩﯾﮑﮭﺎ

ﺍُﺱ ﮐﯽ ﺻﻮﺭﺕ ﮐﻮ ﻓﻘﻂ ﺁﻧﮑﮫ ﻧﮩﯿﮟ ﺗﺮﺳﯽ ﮨﮯ

ﺭﺍﺳﺘﻮﮞ ﮐﻮ ﺑﮭﯽ ﺍُﺱ ﮐﯽ ﯾﺎﺩ ﻣﯿﮟ ﺭﻭﺗﮯ ﺩﯾﮑﮭﺎ

ﮨﻢ ﻣﺤﺒﺖ ﮐﮯ ﻟﺌﮯ ﺁﺝ ﺑﮭﯽ ﺩﯾﻮﺍﻧﮯ ﮨﯿﮟ

ﯾﮧ ﺍﻟﮓ ﺑﺎﺕ ﮨﮯ ﺍُﺱ ﻧﮯ ﻧﮩﯿﮟ ﻣُﮍ ﮐﺮ ﺩﯾﮑﮭﺎ

 غزل

سمجھ نی آندی جو کہڑی گالوں طبیب چپ اے عجیب چپ اے

سجنڑ دو ڈیکھاں تاں ایویں لگدے حبیب چپ اے عجیب چپ اے

عجیب حالت ہے دل دی یارو عجیب ذہین اچ خیال گھمدن

عجیب منظر ہے سر نگوں ہے رقیب چپ اے عجیب چپ اے

تونڑیں جو جتنے ستم تئیں کتین ولا وی ڈیکھاں او مسکراندے

فقط او تیڈی خوشی دے کیتے غریب چپ اے عجیب چپ اے

قمر بُخاری

 وہ ایک شخص جو بچھڑا تو یوں لگا راقب !!

کہ جیسے مجھ کو میرا خاندان چھوڑ گیا!!

 درویش طبیعت مجھے ___ وِرثے میں ملی ہے

میں ٹھیک، غلط، اچھا، بُرا، کچھ نہیں کہتا __!

اے نیک مَنْش میری نہی_ فکر کر اپنی

اُجڑے ہوئے لوگوں کو خدا کچھ نہیں کہتا _!

 تُجھے اُداس کرے گی کیا __میری یاد کبھی؟ 

مُجھے تو قسم سے ایسا کوئی گُماں بھی نہیں_!

 ناگہاں اور کسی بات پہ دل ایسا دُکھا

میں بہت رویا، مجھے آپ بہت یاد آئے!