وہ مجھ سے مخاطب تھا مگر سرد تھا لہجہ کیا شہرِ محبت میں کہیں برف پڑی ھے

یادوں کی کتابوں سے ذرا گرد جھڑی ھے

لو سامنے اک اور قیامت کی گھڑی ھے

وہ مجھ سے مخاطب تھا مگر سرد تھا لہجہ

کیا شہرِ محبت میں کہیں برف پڑی ھے؟

برسوں کا تِرا ساتھ کہاں مانگ رھے ہیں

ہم کو تو محبت کی یہ ساعت ہی بڑی ھے

وہ شخص چُرا لے گیا سورج کے اجالے

اک میرے دریچے میں وہی شام کھڑی ھے

آنسو جو بڑی دیر سے ٹھہرا ھے پلک پر

لگتا ھے کسی دورِ ندامت کی کڑی ھے

برسات کی بوندیں ، یہ سُلگتا ہوا آنچل

یاں حشر بپا ھے تمہیں دفتر کی پڑی ھے

آنکھوں کی شرارت سے کوئی خواب نہ جاگے

یہ کھیل تو اچھا ھے ، مگر شرط کڑی ھے.

___======_______======_____=========____==

"""""""""""""""""""""""""""""""""""""""""""""""""""""""""""""""""""""""""""""

لاٸقِ پیار کسی طور مری ذات نہ تھی 

تجھ سے پہلے تو مری بات کوٸ بات نہ تھی

تجھ سے ملنے پہ یہ نعمت بھی ملی ہے مجھکو 

مرے حصے میں کوٸ پیار کی خیرات نہ تھی

تب تلک پھول نہیں کھلتے تھے اس ٹہنی پر 

جب تلک تم سے مری جان ملاقات نہ تھی

تو ملا ہے تو یہ دنیا بھی ہے جنت جیسی 

تجھ سے پہلے تو یہ خوشیوں کی بھی بہتات نہ تھی

شاعری مجھ سے محبت کا سبب  بننے لگی

میں سمجھتا تھا کہ یہ رمزِ کرامات نہ تھی

تو تسلسل سے مری روح پہ برسی ورنہ 

دھوپ کے ہوتے ہوۓ سر پہ یوں برسات نہ تھی

تو نے بتلایا محبت کے معانی  کیا ہیں 

ورنہ قسمت میں کوٸ ایسی تو سوغات نہ تھی

لفظ میں پیار کا لکھتے ہوۓ گھبراتا تھا

کیوں کہ قسمت میں کوٸ پیار کی تورات نہ تھی

تب تلک میں بھی کرامت کا نہیں تھا قاٸل 

جب تلک زیست میں نفرت کی ہوٸ مات نہ تھی

تجھ سے پہلے کہ وہ دکھ تجھ کو بتاٶں کیسے

رب کی طرح میں اکیلا تھا جو تو ساتھ نہ تھی

پیار نے مجھ کو امیری کا شرف بخشا ہے 

ورنہ باسم مری قسمت میں یہ  "کاٸنات" نہ تھی

باسم بخاری